الأحد، 14 سبتمبر 2008

الحج فريضه !!! هل يجب على الحكومه أن تجعلها مستحيله !!!

التأشيرات الإضافية التي قدمتها الحكومة السعودية مجانا لمصر لصالح الراغبين في الحج من الفقراء





الدكتور أحمد نظيف رئيس اللجنة العليا للحج رفض توزيع هذه التأشيرات الإضافية والبالغ عددها عشرة آلاف تأشيرة بالمجان وقرر بيعها لشركات السياحة مقابل رسوم تبلغ 12 ألف جنيه للتأشيرة بإجمالي 120 مليون جنيه.







السلطات السعودية علمت بما حدث وهددت بسحب التأشيرات مرة أخري،








ما أجبر غرفة الشركات السياحية بالتعاون مع وزارة السياحة علي إيجاد مخرج من الأزمة وبالفعل تم الاتفاق على التوصل لحل لتحفظ به ماء وجه الحكومة أمام السلطات السعودية والرأي العام المصري




هو



تحصيل المبلغ في شكل تبرعات من أعضاء غرفة الشركات السياحية تحت بند تقديرا لدور الدولة والمساهمة في التكاليف التي تدفعها الحكومة لتحسين البنية التحتية لقري الحجاج وتوفير الأدوية اللازمة لهم بالمجان.





التبرعات سيتم دفعها بشيكات علي حساب البنك الأهلي باسم وزارة المالية.





الإتاوة التي فرضتها الحكومة لبيع تأشيرات الحج هذا العام لم تكن هي السابقة الأولي، فالحكومة تعودت علي مدي السنوات الماضية فرض رسوم إجبارية تدفعها سنويا شركات السياحة تبلغ 60 مليون جنيه من صندوق الحج والعمرة كدعم للدولة تحت مسمي تنشيط السياحة " زادتها هذا العام إلي 120 مليون











بينما تقول وزارة السياحه




----------------------






قال وكيل أول وزارة السياحة رئيس قطاع الرقابة على الشركات أسامة العشرى إن أسعار الحج ارتفعت ولكن بنسبة قليلة وهذا نتيجة لنقص الاماكن بعد إزالة العديد من الفنادق المحيطة بالحرم لتنفيذ التوسعات فى الحرم ،





الحج البرى يتراوح ما بين 20 إلى 25 ألف جنيه والبحرى من 26 إلى 29 ألفا والطيران يبدأ من 35 ألفا






ارتفاع أسعار الحج البرى عن حج القرعة الذى يصل إلى 17 ألف جنيه يأتى نتيجة لارتفاع أسعار الاتوبيسات والمساكن التى يقيم بها الحجاج حيث يقيم حجاج البرى أقرب كثيرا من حجاج القرعة بالاضافة إلى اختلاف وسيلة النقل حيث يتم استخدام أتوبيسات مكيفة متميزة للحج البرى ،




المصدر موقع مصراوى



بارك الله فيهم وسهل الحياه عليهم
وأرحهم منا فنحن عبء ثقيل
-----------------------------------------------------------------------




هل هى ضريبه على الحج والحجاج




أم وسيله لجعل كل راغب فى الحج يريح نفسه ,وبلاها سفر والاعمال بالنيات









هناك 5 تعليقات:

maha zein يقول...

عمو محمد الغالى
ربنا يعزك ويحفظك
اولا :انا والله ذي ما تقول مكنش ليا نفس اكتب وكنت مخنوقة من مدونتي وزهقانة منها
لكن فى موضوع هينزل كمان شوية
يعني
وفى غيره
جم علي بالى كده
بعدين بقه
بجد موضوع الحج ده
هو في اهي بجد
الحج بقه حاجة صعبه بجد
بقه اللى عاوز يحج ده لازم يستني انه يورث او يبيع املاكه عشان يحج
انا عرفت من واحد سعودي كان معايا في الماجستير ان السعودية مش بتاخد فلوس عن الحجاج
يعني الحج يعتبر ببلاش
وعمر تكاليف السفر ما كانت كده
يبقه الغلو فعلا من عند الحكومة
منهم لله
مش عارفين يقفلوها علي الناس منين ولا منين
يا بخت بقه اللى بيسافر السعودية
عمتو كانت مسافرة هناك
عملتلها بتاع 5 حجات ولا حاجة ده غير العمرات
بس علي ما اعتقد
ان اللى يشوف المر عشان يحج
مقامه اعلي وارفع عند ربه
يلا
ربنا ينولك الحج يا رب لو لسة محجتش
ويزيدك ويكرمك يا رب
ويوسع رزقك
ايه رايك في الكام دعوة دول
؟
انا ولا الستات الاواريب الكبار
بس بجد والله من القلب ولله
ربنا فعلا يعزك
لاني بجد قدرت استشف طيبة حضرتك
ومتخيلة شكلك في بالى
مش عرفة بقه صح ولا لا
يلا رمضان كريم وربنا يعتقك في من النار
سلام

محمد يقول...

بنتى الظريفه ذات النفس البراقه والروح
المحبه لله تعالى
سعادتى بتعليقك كبيره جدا
بالنسبه لكلمة زهقانه ومخنوقه
فسيدنا رسول الله قال روحوا القلوب ساعه,اذا يجب أن ترفهى عن نفسك
فالروتين يجلب الملل وأيضا يفقدنا الاحساس بالدهشه والمتعه فى أكتشاف أى جديد
الموضوع المكتوب منقول عن موقع مصراوى
ما عدا تعليقى الاخير
أنا كنت بعرض مقارنه بين ما قالته غرفة السياحه وما قاله وكيل وزارة السياحه
12 الف جنيه رسوم
يعنى الفريضه للى مش هيحصل القرعه
تزيد عليه كل هذا المبلغ
يعنى الحكومه تعفى ناس فى النشاط الترفيهى فى السياحه وتفرض رسم على داء فريضه دينيه


بالنسبه لدعواتك والله ربنا يسمع من قلبك الطاهر وعلى فكره أنا سعيد بتخيلك وهحاول أتخيل أنتى متخيله أيه

هههههههههههههه
فى موضوع على مدونتى التانيه شوية كلام
وهو عن أحصائيات الزواج فى مصر وبرضه
مصدرها موقع مصراوى


مدونتى فرحانه بيكى جدا
ربنا يحفظك
قولى أمين!

صبرني يارب يقول...

يا استاذنا الفاضل احنا فى كل خطوه بندفع اتاوات

والحج والعمره بقى هو الى مآسي على قلوب الحكومه وبيحسبوا المصريين بيدفوا فيه كام سنويا ومضيعين فلوس البلد وبيدوها للسعودين المفتريين .

انما المليارديرات والفنانين الى بيسافروا بره يتسنكحوا ويعملوا عمليات تجميل لا ما بيصرفوش حاجه ده غلابه .

وشركات الموبايل الاجنبيه الى باعونا لها من زمان والى مصت جزء كبير من الدخل القومي وعملت دروب فى الاقتصاد ما قمناش منه
ده برضه عاااااااادي جدا .

تعرف ان الحج من الصييييييييييين ارخص من الحج فى مصر ؟؟؟
الحج من الصين طيران ومستوى محترم جدا ب 5000 دولار
احسبها كده وشوف

انا عن نفسي حجيت من الامارات فى مستوى خمس نجوم وكان الفرد متكلف 12000 درهم تأشيره وتذاكر واقامه فى احسن الاماكن واكل وكل حاجه . والكلام ده من 7 سنين تقريبا .

احنا بنتباع ميت مره كل يوم يا استاذنا وسااااااااااكتين


يبقى نستاهل

محمد يقول...

الى الاخت صبرنى يارب
---------------
الا أونو
ألا دو
ألا تريا
رسى المزاد
والى معاه يلزمه ,والى معاهوش ما يلزموش
وبأرخص الاسعار
ناس ملهاش لزمه
وناس ميلزموش

بس أنا عايز أعرف أصل مخى دخل المزاد

هو الحج فريضه على كل مسلم؟
ولا الحج فريضه على الحكومه بس؟

Dua Masatwa يقول...

مرور اول في هذه المدونة
تبدو وكأنها تعج بالافكار..

امر طالبة بأن ندوّن اليوم عن الاقصى
في يوم القدس العالمي 17 رمضان ..

لن تخيبوا ظننا اليس كذلك.

زادعوكم لزيارة مدونتي ..