الأربعاء، 29 يوليو، 2009

الاثنين، 20 يوليو، 2009

الحياه والموت

دائره هى الحياة
, تموت كائنات لتحيا عليها كائنات
ومن فضلات كائنات تعيش كائنات
وكل كائن منهم يتصور أنه الاهم
, وأن الحياة بدونه تتوقف
بينما حياته مهما طالت فى الزمان
لاتتعدى لحظة ذكرى عابره
فى ذاكرة الاخرين
أن تذكروه
أنت حياتك مجرد لحظه عند غيرك
وهو مجرد خاطر يعبر ذهنك
كل السنوات التى مرت
تصبح لحظه
تعبر حدود الجسد والمكان
من مات حيا
ومن حيا لابد ان يموت
الموت تغير من حالة الجسد المحدود
الى حالة النفس
النفس هى أنا وأنت
والنفس أما راضيه أو ناقمه
أما فاجرة أو تقيه
كما عاشت وأختارت تحيا بعد الموت
تنظر خلفها
تبرر فعلاها
ولكن هنالك
لا ينفع الكذب
الصدق فقط
هنالك لاينفع الندم
ألم تختار , ألم تخير , فأخترت
هيا الى الثمن

الخميس، 16 يوليو، 2009

هل الحب حرام ؟

عندما تضمحل العقول ويتدنى مستوى تفكيرها تتركز الافكار فى الغرائز الحيوانيه , عندها يسجن وعى الانسان
فى غرائزه وتدور أفكاره فى هذا الحيز , وبما أن الجهل يورث الانسان غرورا ,فيتصور أن الكل يفكر كما هو يفكر ويشعروا كما يشعر.فلو تصورنا أنسان يملك ملايين الجنيهات ما قيمة جنيه واحد عنده , وعلى نفس القياس لو تصورنا شخص يحوى عقلهومشاعره حصيله متناميه من المعلومات والتفاعل مع كل ما خلق الله تعالى فى دنيا من محسوس وملموس وشخص أخرفقير فى معلوماته بخيل فى( تفاعله مع الغير سواء أكان بشر أو حجر أو حتى فى مشاعره الانسانيه ).بالطبع هذه المقارنه توضح لنا كيف أن هذا الاخير يتحول الى( كيان حيوانى فى صراع دائم وتنافس مع الغير ومع نفسه) وما تورثه صفاته من مشاعر( الانانيه بلا حدود واهتمامه بذاته وتفضيلها على ما عداها ومحاولته الدائمه لأشباع رغبات حيوانيه صرفه).مثله كمثل الحيوان عند الافتراس فهو مستعد دائما للقتل.
ما هو الحب؟
______
ربما يمكن تفسيرة بمشاعر نفسيه نحو مكان أو منظر طبيعى أو شخص ورغبه دائمه فى الالتحام به والتفاعل به ومعه
وربما يمكن تفسيرة بتفاعل كميائى هرمونى بداخل الانسان.
وربما يمكن تفسيره بنظريات عن الخبره السابقه و الخبره المكتسبه
وربما يمكنا المزج بين المشاعر والتفاعل الهرمونى
ولكن بالتاكيد هناك درجتين من الحب
1- الحب الانسانى الراقى
2- الحب الغرائزى الحيوانى
وبما أننا بشر ولنا قيمنا الانسانيه وأيضا لأننا خلقنا من تراب فلا نستطيع أن نتجاهل طبيعتنا فنحن لسنا ملائكه
وبالتالى لابد أن يكون ذلك فى أطار من العلاقه التى تشبع مشاعرنا ورغباتنا وقيمنا الانسانيه
الحب الانسانى ليس حراما أبدا.
حب الجمال فى الطبيعه ليس حراما
حب الاخوة الانسانيه ليس حراما
حب المبادىء ليس حراما
حب العطاء ليس حراما
فكل كلمة حب مصدرها أننا نحب ما خلقه الله تعالى .
لأننا نحب الله تعالى
أما الكره والحقد والانانيه فهو الحرام

الأربعاء، 1 يوليو، 2009

من رباعيات صلاح جاهين














أنا اللي بالأمر المحال اغتــوي


شفت القمر نطيت لفوق في الهـــــوا

طلته ما طلتوش إيه انا يهمنـي


و ليه .. ما دام بالنشوة قلبي ارتوي


-------------------------------


أنا قلت كلمة و كان لها معنييـــن


كما بطن واحده و توأمين زي وشين


لو دنيا شر.. التوأم الخير يمــوت


لو دنيا خير .. الشر ح يعيش مــنين


----------------------------------


منين أجيبها كلمه متألمــة


لعيبه فايره حايره و مصممـــه



منين اجيبها كلمه تكون بنـــت ارض



تشفي اللي ما شافهوش كلام السمـا


--------------------------------------



كام اشتغلت يا نيل في نحت الصخور


مليون بئونه و الف مليون ها تور


يا نيل أنا ابن حلال و من خلفتــك



و ليه صعيبه علي بس الأمــور


------------------------------------------



خوض معركتها زي جدك ما خاض


صالب و قالب شفتك بامتـعاض


هي كده...ما تنولش منها الأمـل



غير بعض صد ورد ووجاع مخاض


-----------------------------------------


ولدي إليك بدل البالون ميت بالـون



انفخ وطرقع فيه علي كل لــون



عساك تشوف بعينك مصيرالرجـال



المنفوخين في السترة و البنطلــون


-----------------------------------------


ولدي نصحتك لما صوتي اتنبــح



ما تخفش من جني و لا من شبــح



و ان هب فيك عفريت قتيل إسألــه



ما دافعش ليه عن نفسه يوم ما اندبح
---------------------------------------------



يأسك و صبرك بين إيديك و انت حر



تيأس ما تيأس الحياه راح تـمر



أنا دقت مندا ومندا عجبي لقيــت



الصبر مر و برضك اليـأس مـــر
-----------------------------------------


حاسب من الاحزان و حاسـب لها


حاسب علي رقابيك من حبلـها


راح تنتهي و لابد راح تنتهــي



مش انتهت أحزان من قبلهــا؟


-----------------------------------------------


فتحت شباكي لشمس الصبـاح


ما دخلش منه غيــــر عويل الريـاح


وفتحت قلبي عشان ابوح بالألــم

ما خرجش منه غير محبه و سمــاح


----------------------------------------------



مرحب ربيع مرحب ربيع مرحبـــه



يا طفل يا للي ف دمي ناغا وحبـا



علشان عيونك يا صغنن هويـــت



حتي ديدان الأرض و الأغربـــة


--------------------------------------------


انا الذي عمري اشتياق في اشتيـاق



و قطر داخل في محطة الـفراق



قصدت نبع السم وشربت ســم


من كتر شوقي وعشمي في الترياق


----------------------------------------------


لو فيه سلام في الأرض وطمان و أمن



لو كان مفيش و لا فقر و لا خوف جبن



لو يملك الانسان مصير كل شــئ



انا كنت اجيب للدنيا ميت ألف ابـن


----------------------------------------------


العشب طاطا للنسايم و نــخ


أخضر طري مالهش في الحســن أخ



عصفور عبيط انا .. غاوي بهجه و غنا


ح انزل هنا.. و انشا لله يهبرني فـــــخ

---------------------------------------------



أوصيك يابني بالقمر و الزهـــور



أوصيك بليل القاهرة المسحـــور



و إن جيت في بالك .. إشتري عقد فل



لأي سمرا.. وقبري إوعك تــزور


------------------------------------------


غمست سنك في السواد يا قلـــم



عشان ما تكتب شعر يقطر ألــم



مالك جرالك إيه يا مجنون ...



و ليــــــــه رسمت ورده وبيت و قلب و علـــم


-------------------------------------------------


غمض عينيك و ارقص بخفة و دلع


الدنيا هي الشابة و انت الـجدع



تشوف رشاقة خطوتك تعبـدك



لكن انت لو بصيت لرجليك ....تـقع

-------------------------------------------------------



إيديا في جيوبي وقلبي طـــرب


سارح في غربة بس مش مغترب



و حدي لكين ونسان و ماشي كده



وبابتعد ما اعرف .. أو باقـــترب ؟


-----------------------------------------------


زحام و أبواق سيارات مزعجــة



للي يطول له رصيف.. يبقي نجـا



لو كنت جنبي يا حبيبي أنــا



مش كنت أشوف إن الحياة مبهجة


-----------------------------------------------


ياللي عرفت الحب يوم و انطـــوي

حسك تقال مشتاق لنبع الهــوي



حسك تقول مشتاق لنبع الغـــرام



ده الحب .. مين داق منه قطره...ارتوي

-----------------------------------------------


يا ميت ندامه ع القلوب الخـلا


لا محبة فيها و لا كراهـــه ولا


حتي يا قلبي الحزن ما عادش فيـــك


معلهش .. لك يوم برضه راح تتملا