الثلاثاء، 23 ديسمبر، 2008

من بحدد أتجاهات المجتمع؟

المجتمع كالكائن الحى له رأس ويدين وقدمين وجهاز هضمى وجهاز تنفسى
الى آخره من الاجهزة التى توجد فى أى أنسان, وأن أختلف شكلها وطريقة عملها
عن أجهزة الكائن الحى ولكن مضمون وهدف عملها واحدوهو الحفاظ على كينونته


مخ الكائن الحى هو الذى يقوم بالسيطره على أجهزته وتوجيهها


السؤال هنا من يقوم بتوجيه المجتمع؟

السؤال وما هى أتجاهات هذا التوجيه؟

أحتمالات الاجابه عن السؤال الاول

1- الحكومات

2-مؤسسات المجتمع

3-مثقفى المجتمع

4- الاقتصاد

5-توجهات ألإ فراد


أحتمالات الاجابه عن السؤال الثانى

1-الاتجاه السياسي

2-الاتجاه الاقتصادى

3- الاتجاه الاجتماعى

وكما أن لكل شىء أصل يكون هو المحرك الرئيسى



فـأنى أعتقد أن الاصل فى حركة أى مجتمع هو المرأه


فهى صانعة منظومة القيم فى المجتمع وهى من تستطيع تغيرها


وهى الموجه الأساسى لحركة الاقتصاد داخل أى مجتمع


وهى من تصنع الرجال وبالتالى هى من تصنع توجهات أى مجتمع


الأمم تهزم أذا هزمت نسائها لا حين يهزم الرجال

هناك 5 تعليقات:

صبرني يارب يقول...

طب ده الواحد مهم اوي بقى على كده
هههههههههه

انا اه طبعا حاسه باهمية المراه وانها فعلا تلعب دور البطوله ولو حتى من وراء ا لستار


ال ان فى من يتولى توجيه المجتمع المفروض انه يكون الحاكم او النظام الحاكم

هو المدير

والمفروض ان الى اختار اساسا الحاكم هو الشعب بكل فئاته

بالنسبه لحالنا يعنى كبلد ديموقراضيه

هههههههههههههههههه

تحياتي لحضرتك

خديجة عبدالله يقول...

يسلم فمك يا ولدى :):):)

ذكرتنى باعترافات رجل يحترم النساء فى مجلة زهرة الخليج اللى كانت حلوة زمان دلوقتى لاه :(

وبيت الشاعر :
الأمم مدرسة إذا أعددتها
أعددت شعبا طيب الأعراق

أول زيارة لمدونة حضرتك لكنها أكيد إن شاء الله لن تكون الأخيرة
ربنا يعينك ودمت بخير

maha zein يقول...

اممممممممممممممممممم
غريبة والله يا عمو محمد انك بتقولها صريحة كده
شوف بقه
قولهم العالم الاشرار دول

عوما انا شايفة فعلا ان العملية فعلا شراكة كل شخص بيتحمل جزء
بس بصراحة ان شايفة ان الستات واخدين حقهم كويس اوي في مصر
والله الرجاله الغلابة هما اللى بيصعبوا عليا اصلا

احنا في الاقتصاد ممكن تلاقينا صواريخ
لكن السياسة
اشك

حاسوباتيه يقول...

احم احم ايوه طبعا من غيرنا المجتمع مالوش لازمه احنا مش نص المجتمع لا احنا المجتمع كله ده انتم من غيرنا غلابه جدا ياحرام
هههههههههههههههه
شكرا لك على الكلمات الجميله دي وفعلا عندك حق انا معاك مليون الميه مش لان انا امرأه والله بس لان فعلا هو كده عارف لو كل بنت لما تتجوز وتخلف تربي اولادها كويس وتعمل بيت كويس مبني على الاخلاق والدين وكل بنت تعمل كده هتلاقي المجتمع كله اصلح حاله وبقى تمام

Soul.o0o.Whisper يقول...

أستاذى الفاضل /

حضرتك طرقت موضوع مهم جدا ،
و حساس جدا جدا ...

من يوجه المجتمع ؟؟
و ما هى اتجاهاته؟؟

السؤال دا للمثالية ؟؟
أم للواقعية؟؟

بمعنى ...
إذا كنا هنتكلم عن المفروض ،
يبئا مافيش حاجة هتتغير ..
لأننا لسه عايشين فى الأحلام ،
و بنمثل دور المظلوم اللى مش عاوزين نخرج منه أبدا ....

أما إذا كنا هنتكلم عن الواقع ،
فدى خطوة كويسة جدا للفهم ...
عشان فعلا نعرف احنا ماشيين ازاى و عاوزين ايه ....



و بالنسبة لموضوع المرأة ،
فكلام حضرتك صح جدا ...
و لكنه مثالى أيضا إلى حد ما ...


فالانسان يا سيدى عندما يبلغ حد الرشد ،
و أنا أتكلم عن الاناس اللى فعلا متواجدين الوقتى ...
مش اللى هييجى و اللى المفروض نعمله معاه ..
الشباب اللى ضايع دا ،
و مشكلات المجتمع تعتصره من كل مكان ،
ياترى هو مظلوم ؟؟
و لا ظالم ؟؟
و لا هو مزيج من دا و دا ؟؟؟

البنت الوقتى اللى حضرتك بتتكلم عنها ،
تخرج ماتلاقيش رعاية من والديها
اللى مكدوحين طول الليل و النهار فى الشغل ..
و لما حد ييجى يكلم اى واحد منهم
يقولوله ياعم دى لسه صغيرة
خليها تتمتع بشبابها !!! هى أقل من صحباتها ؟؟؟
و الشاب اللى أهله بيبئوا فرحانين بعلاقاته ، و ابنهم فارس احلام كل فتاة ؟؟؟

دول هنقول عليهم ايه ؟؟
هنرجع نقول الأم هى السبب و نلقى اللوم عليها و نظل نندب الزمن اللى طلعنا لقينا نفسنا فيه ؟؟؟

ماعتقدتش دا الحل ؟؟!!...



متأسفة جدا إذا كان فى كلامى بعض الشدة ،
لكن الأمر يحتاج مننا نظرة للواقع و فهمه لكى نصل إلى نتيجة تطبيقية ..






خالص تحياتى