الخميس، 26 فبراير 2009

الانسان وضميره

الانسان له ثلاث أحوال فى تصرفاته
___________________


الحال الاول - يتصرف وفق لمنظومة قيم آمن بها , سواء كانت قيم دينيه أو عقليه ,ولايخرج عنها, وحتى أن أنحرف عنها قليلا , فأنه سريعا يعود اليها, بصرف النظر عن وجود رقيب عليه, أو منظومه من القانون تردعه , فقط منظومة قيمه وما آمن به هى التى تحكم سلوكه, وهذا يمكن لنا وصفه بالانسان ذو الضمير , أو أنه آنسان حقيقى.



الحاله الثانيه- يتصرف وفق الظرف المتاح له , فأن كان القانون يراقبه أو أنه تحت نظر أناس آخرين يهمه أمرهم ويخشى رد فعلهم فى هذه الحاله فأنه يلتزم مرغما خوفا من العواقب أو يتصرف وفق هواه أذا كان يعتقد أن تصرفه لايرجع عليه بأى عاقبه
أو خساره شخصيه له, وهذا يمكن لنا وصفه بالانسان الذى يحمل داخله نصف حيوان .



الحاله الثالثه - يتصرف وفق هواه بصرف النظر عن أى رقابه من القانون أو المجتمع المحيط به , ويركز كل أهتمامه بعد التصرف على الافلات من العواقب , وهذا لنا أن نصفه بالحيوان ذو الشكل الادمى .




ونستطيع مراقبة هذا السلوك فى حالتين واضحتين .

------------------------------------

الحاله الاولى - التعامل مع المال , الانسان ذو الضمير لايسرق , أما الانسان النصف حيوان يسرق أذا أتيح له فأن لم يتمكن لآنه مراقب من القانون أو أن المجتمع المحيط به سيعاقبه فأنه يلتزم مرغما ,اما الحيوان ذو الشكل الادمى فأنه سيسرق وسيحاول الافلات بفعلته أن تمكن من ذلك.


الحاله الثانيه- التعامل مع المرأه , الانسان ذو الضمير لايتحرش بها , أما الانسان النصف حيوان فأنه سيتحرش بها أن تمكن , أما الحيوان ذو الشكل الادمى فأنه سيتحرش بها ويحاول الهروب من العواقب .



السؤال الاساسى ؟
==========



كم عدد الاشخاص الذين نراهم ونتعامل معه وفق الامثله السابقه فى مجتمعنا ؟


الانسان ذو الضمير


الانسان النصف حيوان


الانسان ذو الشكل الادمى


أترك الاجابه لكم




تحديث
=========


قصيده باللهجه العاميه للشاعر على سلامه
لمحت ابليس و ف ايده استماره
بقول له على فين
قاللي بص ..يا هجره يا اعاره
يا عم زهقت كفرت الاقيش معاك سيجاره
انا انتهيت خلاص
لا نافع وسواس ولا خناس
دي عالم مجرمين
عندكوا فائض ف الفساد في كل البلاد
ومش محتاجين شياطين
مليش عيش ف البلد دي
بقالي سنين عاطل
و انتوا بتعرفوا تقلبوا الحق باطل
و تسلكوا القاتل
و تمشوا ف جنازة المقتول
ومفيش مشاكل يا عم ده انا بقيت أوسوس بالمقلوب
و أقول للحرامي كفايه بقى توب
انت هاتعمل كل الذنوب لوحدك
و أنا ابليس
أشتغل واعظ ولا كمساري ف اتوبيس
يا عم ده انا زمان
كنت استنى حد ينسى يسمي
وهو بياكل لقمته
دلوقتي كل اكلكم ملوث
بصراحه

هناك 12 تعليقًا:

عمرو جويلى يقول...

السلام عليكم
شرفت بزيارتك وتعليقك ويشرفنى أن أزور مدونتك لأول مرة ولن تكون الآخيرة
والله ياباشمهندس عندك حق إبليس إيه وبتاع إيه إحنا اآدميين أصعب من إبليس دا إحنا دلوقتى اللى بنوسوس لإبليس
تحياتى

dina يقول...

انا بجد بعشق القصيدة دى و لما تسمعها منه كمان بتبقى حاجة تانية...متعرفش نضحك على السخرية اللاذعة بتاعتها ولا نبكى على حالنا بجد
المهم....البوست بجد فكرته حلوة اوى...و اعتبارك ان الضمير مقياس للانسانية دى حاجة فعلا مهمة جدا.....كان حد بنقابله من التلات انواع دول فكتير جداااااا.....فى كتير بنى ادمين بجد و فى ناس مينفعش يتقال عليهم ناس و الاغلبية واقفة فى النص مش عارفة لها سكة
يلا ربن يهدى
بس بوست متميز
تحياتى

Soul.o0o.Whisper يقول...

الاول أعتذر على التأخير
و أرجو المعذرة
و ياريت حضرتك مش تزعل منى

طبعا مش هأعلق على القصيدة
هى برغم ان الحاجات دى ما ينفعش نستهزأ بها

لكنه وصف الحال صح



المهم نيجى بئا للضمير
فعلا ...هما تقريبا دول التلات اصناف بتوعه

بصراحة قابلت الصنف الاول
مش كتير ..بس بجد ربنا ما يحرمنى منهم

و الصنف التانى اصبح الناس اللى بتقابلهم كل يوم و أنت بتحسب انهم كويسين
لكن لما يتحطوا فى محك بتكتشف انهم النوع التانى
و أحيانا هما نفسهم بيكتشفوا انهم الصنف التانى

أما الصنف الثالث ، فبالتأكيد قابلته
لكن لا أريد تذكره
و لن أتكلم عنه لأنه لا يستحق الحديث عنه




خالص ودى

عمرو جويلى يقول...

السلام عليكم
لقد قل رؤيتى للحال الأول وهو يتصرف وفق لمنظومة قيم آمن بها.
أما ما يتصرف وفق هواه بصرف النظر عن أى رقابه من القانون أو المجتمع المحيط به.
وهم كثر الآن
تقبل مرورى

maha zein يقول...

شعر جميل اوي واختيار موفق

قلت اجي اسلم هنا بردو
اذيك يا عمو
عمو يا عمو

عامل ايه

انا عن نفسي بقابل الناس النصف حيوانيين اكتر من ذوي الضمير

الناس اللى لو الفرصة اتيحيت لهم هيتصرفوا من غير ما يخافوا من حد
لكن الحيوانيين دول مقابلتش منهم كتير
قليل اوي صراحة

بـِصَمتـِـ أميرة ــــى يقول...

فعلا واقعى تصنيف الضمير لثلاث مستويات كدة؛ وبالفعل التلاتة موجودين وان ندر الصنف الاول (الانسـان) تعرف انى دلوقتى بقيت بعتبر كلمة انسان دى صفة ماتصلحش لكل البشر
كل البشر .. بشر لكن مش كل واحد منهم يستحق صفة انسان
تقبل مرورى
ملكة بحجابى

Unknown يقول...

عرفتنى الدنيا والناس والسنين اللى عيشتهافى عمرى كله أن على قد ما يتهيألك ان البشر مختلفين عن بعضهم البعض على قدر ما تلاقيهم فى كثير من الامور بحيث انك لو حبيت تقسمهم او تفنطهم (بالظبط بالظبط بالظبط)حتلاقى الحكاية صعبة كل واحد فينا جزء من كل شخصية من اللى ذكرتها لاننا لسنا انبياء!!

محمد يقول...

اللؤلؤه
dina
soul
maha
ملكه
norahaty
===========
شرفتونى بزيارتكم
لمها انا بخير
تعليق اخير
الناس خليط
ومنهم من يمثل
انه صالح
ومنهم من يظهر انه طالح
الحكم من اى نوع الشخص الذى نتعامل معه يحتاج منا ان نكون مجردين من الهوا والميل القلبى و والخداع البصرى
كفاكم الله تعالى سوء الرفقه والصحبه

Unknown يقول...

السلام عليكم ورحمة
الله تعالى وبركاته
(الحكم من اى نوع الشخص الذى نتعامل معه يحتاج منا ان نكون مجردين من الهوا والميل القلبى و والخداع البصرى كفاكم
الله تعالى سوء الرفقه والصحبه.)
اللهم امين .اللهم امين. اللهم امين .
ولكن كيف التجرد من هوى النفس
عند حكمك على شخص وانت انسان
قد يخدعك كلامه!قد يخدعك صوته!
وحتى قد يخدعك احساسك نفسه!
ففى بعض الاحيان تكره
شخص ما (كده!!)
وبدون سبب!
ويتضح لك انك مخطىء
ولكن هوى النفس تمنع تقبلك اياه.
(رغيت انا كتير فسامحنى:)

mohamed يقول...

norahaty

أولا مرحبا بيكى فى مدونتى الثانيه مشاعر وأفكار
الاجابه على سؤال حضرتك سهل جدا
================================
عند تقيمنا لشخص ما لنحدد هل نتعامل معه أم لا, لابد لنا من مقياس نرجع اليه لنرى هذا الشخص يتفق معه أم لا
والمقياس من وجهة نظرى هو ما ورد فى القرأن وفى الحديث الصحيحح لرسول عليه الصلاة والسلام
أسمحى لى أعطيك مثال
====================
الطبيعى أنه عندما يكون لنا حق عند أنسان آخر نأخذه
ولكن أذا كان الحق علينا
هل نعطيه برضا؟
أم نعطيه متضررين؟
أم نحاول التملص منه؟
هنا تظهر كوامن النفس
لكى تحياتى

الجواز و سنينه يقول...

الضمير
ياااااااااه لسه فيه ناس فاكره الكلمه دى
بس عجبنى اوى تحليلك لاصناف البشر و طريقه تصرفهم وفق ضميرهم
و بحب جدااااااااا على سلامه لو لقيتها يو تيوب ابقى حطهلنا
نتعبوك
ايوه ايوه

محمد يقول...

الجواز وسنينه
===========
أولا شرفتينى
تصدقى أن لسه فى ناس عندهم مبادىء
وكمان ضمير
تصدقى أن لسه فى ناس عندهم أمل
تصدقى أن فى ناس لسه كرامتها أهم من
لقمتها
أظن أتك هتقوللى أنى مش بقول الحق
لالالالالالالا
لاء لسه فى ناس عندهم أنسانيه
لسه موجودين
لاء مش فى المتحف
بس انتى عارفه أن اللون الاسود بيبان أكتر من الابيض
نورتينى